سه‌رچاوه‌یه‌كی‌ باڵای‌ پۆلیسی‌ قه‌زاو ناحییه‌كانی‌ شاری‌ كه‌ركوك، رۆژی‌ دووشه‌ممه‌، ئاشكرای‌ كرد «ئه‌و پیاوه‌ی‌ شه‌وی‌ 21/6 لـــــه‌ناحیه‌ی‌ دبس له‌ماڵه‌كه‌ی‌ خۆیاندا، به‌ئاوی‌ گه‌رم سێ‌ كچی‌ خۆی‌ سوتاند‌و پاشان دوانیانی‌ به‌فیشه‌ك كوشت، ده‌ستگیركرا».
ئاوێنه‌، كه‌ركوك: عه‌قید فه‌رهاد به‌ئاوێنه‌ی‌ راگه‌یاند «باوكی‌ ئه‌و سێ‌ قوربانییه‌ كه‌ هه‌رسێكیان كوردن، رۆژی‌ 29/8 له‌لایه‌ن هێزه‌كانی‌ پۆلیسه‌وه‌ ده‌ستگیركراو لێكۆڵینه‌وه‌ له‌و باره‌یه‌وه‌ ده‌ستی‌ پێكردووه‌».
شه‌وی‌ 21/8 له‌كاتێكدا ئه‌و سێ‌ كچه‌ له‌ماڵه‌كه‌ی‌ خۆیان خه‌وتوون، باوكه‌كه‌ ئاوی‌ گه‌رم به‌ده‌م‌و چاویاندا ده‌كات، پاش ئه‌وه‌ی‌ له‌به‌ره‌به‌یاندا ده‌زانێت نه‌مردوون، چه‌ند فیشه‌كێك ده‌نێت پێیانه‌وه‌و له‌ئه‌نجامدا دووان له‌كچه‌كانی‌ گیان له‌ده‌ستده‌ده‌ن‌و یه‌كێكی‌ تریان به‌سه‌ختی‌ بریندار ده‌بێ.
ئه‌و دوو كچه‌ی‌ گیانیان له‌ده‌ستداوه‌، ناویان بێریڤان‌و ئاڵایه‌، ئه‌وی‌ تریان كه‌ ناوی‌ سكاڵایه‌ تاوه‌كو ئێستا له‌ژێر چاودێری‌ پزیشكدایه‌.
سكاڵا له‌كاتی‌ هۆشهاتنه‌وه‌یدا به‌پۆلیسی‌ وت «چه‌ندین جار له‌لایه‌ن باوكییه‌وه‌ زیندانی‌ كراون له‌ژورو حه‌مام‌و ئاوده‌ستی‌ ماڵه‌وه‌یاندا